Salangen-Nyheter

Tips: 957 900 86
tips@salangen-nyheter.com
Lørdag 26. mai 2018

  • lørdag10°C
  • søndag7°C
  • mandag17°C
Salangen:
https://www.Autodoc.Co.No
hokstadbig
Ohppiidráđi jođiheaddji Rikke Hokstad Vuotnasiidda joatkkaskuvllas lohka ahte ohppiidráđđi áigu digaštallat fylkka heaittihemiid plánaid boahtte vahkkus. GOVVA: JON HENRIK LARSEN

Ohppiidráđi jođiheaddji Vuotnasiidda joatkkaskuvllas:

- Balahan heaittiheami

VUOTNASIIDA: Ikte bođi diehtu ahte Romssa fylkkasuohkan fylkkaráđijođiheaddji Pia Svensgaard bokte ferte seastit birrasiid 400 miljon ruvnno boahtte jagiin. – Mun balan ahte heaittiheapmi Vuotnasiidda joatkkaskuvllas lea okta seastinmállin, lohka ohppiidráđi jođiheaddji Rikke Hokstad (govas).



 

 

Lei aviisa Nordlys mii ikte dieđihii ahte Fylkkadiggi Romssas fargga ferte čielggahit movt fylkkasuohkan galgá oaččut bušeahtta ja ekonomiijaplána dássálaga. Lea bággu unnidit olggosgoluid birrasiid 100 miljon ruvnnuin juohke jagi daid boahtte njeallje jagiin. Áviisii muitala fylkkaráđijođiheaddji Pia Svensgaard ahte sis lea bággu unnidit measta 400 miljon ruvnnuin daid boahtte jagiin. Son maid lohka ahte maiddai ferte ođđasit geahččat čađa skuvlastruktuvra . – Eai makkárge skuvllat fylkkas leat álgovuorus ráfáiduvvon. Skuvllat miehta fylkkas sáhttet váldot mielde dán proseassas, muitala Svensgaard Nordlys áviisii.

 

- Mii leat okta skuvllain!
Ođas Romssa fylkkasuohkana ja fylkkaráđi čuohpademiid birra bođi vuorddekeahttá ohppiidráđđái ja sin jođiheaddjái Vuotnasiidda joatkkaskuvllas. – Mii ballat ahte Vuotnasiida joatkkaskuvla lea okta dain skuvllain maid sii bohtet heaittihit, lohkka jođiheaddji ohppiidráđis Rikke Hokstad Nordlys áviisii. Joatkkaskuvla Vuotnasiiddas lea skuvla buot ohppiide geat bohtet regiovnnas birra Siellaga. – Jus skuvla heaittihuvvo de mii fertet Finnsnesii dahje Bardufossii. Nu movt otne lea de mun čohkkohalan busses 40 minuhtta juohke beaivvi goappašat guvlui. Dát gal lea ortnegis, muhto in jáhke ahte gillen vel eambbo áiggi geavahit mátkkoštit skuvlii. Jus skuvla heaittihuvvo de dát maid boahtá váikkuhit ássiidlogu ja boahtá šaddat measta veadjemeahttun doalahit kulturskuvlla ja valáštallanservviid, lohka ohppiidráđi jođiheaddji Hokstad viidásit.  Ohppiidráđi Vuotnasiidda joatkkaskuvllas bohtet digaštallat áššis boahtte vahkkus.

Til nyhetsarkivet
Tips en venn


Hva skjer i Salangen

Søk i våre sider