Salangen-Nyheter

Tips: 957 900 86
tips@salangen-nyheter.com
Onsdag 22. november 2017

  • onsdag-8°C
  • torsdag-5°C
  • fredag0°C
Været i Salangen:
ivar
Ivar B. Prestbakmo mielas lea fylkkaluodda 84 dohkketmeahttun heajos dilis. VUORKAGOVVA: JON HENRIK LARSEN

Sátnejođiheaddjit leat dolkan:

- Dát ii šat mana!

VUOTNASIIDA: Njeallje sátnejođiheaddjit leat dolkan heajos fylkkaluottain dain guovlluin. Loabága, Siellaga, Divrrák ja Orjješ-Ráissa sátnejođiheaddjit leat dál sádden reivve Romssa fylkii ja Stáhta luoddadoaimmahahkii mas sii ovdanbuktet sin vuorjjaga.



 

Fylkkaluodda 84 lea luodda mii čátná daid njeallje suohkaniid Siellaga, Loabága, Divrrák ja Orjješ-Ráissa oktii. Muhto jus galggat johtit gaskkal daid suohkaniid de fertet vuoddjit gaskkal stuora ráiggiid unniduvvon leahtuin go luodda lea nu heajos dilis. Sátnejođiheaddjit daid suohkanin leat sádden reivve ovddidit sin vuorjjaga Romssa fylkkasuohkanis ja Stáhta luoddadoaimmahahkii fylkkaluotta 84  heajos dili birra.

 

Gaskka
Fylkkaluottas lea sullii 8 miilla gaskka ja lea hui heajos dilis jus jurddaša heahteveahkis gitta ealáhusfievrrideapmái. Sátnejođiheaddjit leat ilus go dálvi boahtá go de gokčá muohta ráiggiid.

 

Dohkketmeahttun
Leat olbmot geat orrot Siellagis ja barget Divrrák suohkanis, geat mátkkoštit dán gaskkas juohke beaivvi. Leat olusat geat leat mearkkašan ahte biila lea gillán vuoddjit dán gaskka, ja diehttelas lea váralaš luodda vuoddjit bargui ja fas ruoktot. – Ii galgga leahkit ná. Fylkkaluodda 84 lea dohkketmeahttun heitot, ahte olmmoš ii bálljo duostta vuoddjit dan mielde, muitala Ivar B. Prestbakmo.

 

Divodeapmi
- Jus luodda ii divuhuvvo de dát boahtá váikkuhit sihke bargiid ja bargoaddiid, ja maiddai dan positiiva birasovdáneami dán guovllus, čállet sátnejođiheaddjit reivves Romssa fylkkasuohkanii ja Stáhta luoddadoaimmahahkii. Sátnejođiheaddjit sávvet ahte fylkkaluodda 84 vuoruhuvvo Stáhta luoddadoaimmahaga divuhemiidprográmmas boahtte jagi.

Til nyhetsarkivet
Tips en venn


Hva skjer i Salangen

Søk i våre sider