Salangen-Nyheter

Tips: 957 900 86
tips@salangen-nyheter.com
Torsdag 22. februar 2018

  • torsdag-9°C
  • fredag-10°C
  • lørdag-10°C
Salangen:
https://www.Autodoc.Co.No
ikkeleggnedbig
G.b) Malin Bredahl Woll, Sakhi GholamAli, Mahdi Tavasoli, Baqir salehi, Maia Gartland Hoff, Mohammad Reza amiri, Camilla Dørum ja Ramin Heidari. GOVVA: JON HENRIK LARSEN

Jođiheaddji Siellaga Bargiidbellodaga nuoraidsearvvis:

- Mii áigut soahtat

VUOTNASIIDA: Jođiheaddji Siellaga Bargiidbellodaga nuoraidsearvvis (BbN), Malin Bredahl Woll (g.b.) dieđiha čielgasit vejolaš heaittiheamis Vuotnasiidda joatkkaskuvllas: - Mii leat gergosat soahtat min skuvlla ovddas!, lohkka Woll.



 

Vuotnasiidda joatkkaskuvllas leat beaivválaččat birrasiid 200 oahppit geat vázzet, ja leat 80 geat barget skuvllas. Daid 200 ohppiid gaskkas lea máŋggabealatvuohta 30 iešguđet lágan gielain. Skuvla lea máŋgii leamaš vuohtton heaittihuvvot, muhto lea beassan ain bissut. Fylkkasuohkanis lea bággu unnidit measta 400 miljon ruvnnuin daid boahtte jagiin ja dát boahtá váikkuhit skuvllaid mat leat doaresbealde. Jođiheaddji Siellaga Bargiidbellodaga nuoraidsearvvis , Malin Bredahl Wollas lea čielga oaivil skuvlla birra. – Skuvla ii leat dušše dehálaš dušše Siellagii, muhto maiddai ránnjásuohkaniidda. Leat sihke oahppit ja oahpaheaddjit dáppe Beardus, Loabágis, Rivttágis ja Divrrákgis. Nu ahte ii leat dušše okta suohkan mii váikkuhuvvo jus skuvla heaittihuvvo, lea olles Gaska-Romssa, lohkka Bredahl Woll neahttaáviisii.

 

Máŋggakultuvrralaš geahččanguovlu
BbN deattuhit dán ahte máŋggakultuvrralašvuohta lea dehálaš oassi skuvllas. – Dan ahte mis lea sihke áittardanviessu ja áittardeaddjit geat leat agivullošat dáppe Siellagis dagaha ahte mis leat olu nuorat ja rávisolbmot geain leat iešguđetlágan etnisitehta skuvllas. Dát lea leamaš dušše positiiva buohkaide. Sihke oahppit ja oahpaheaddjit sohpet hui bures, son joatká.

 

Stuora mearkkašupmi
Son lea mielde Bargiidbellodaga nuoraidsearvvis ja lea oahppi Vuotnasiidda joatkkaskuvllas. Mahdi Tavasoli bođi Norgii fargga 5 jagi áigi ja son muitala ahte skuvla lea leamaš stuora mearkkašupmi sutnje ja earáide seamma dilis. - Dat ahte mis lea skuvla mii lea nu láhkka áittardanviessu ja ossodaga mii lea áittardeddjiide geat leat agivullošat lea mihá eambbo movttiidahtti go dán ahte galgat čohkkat busses diimmu ovdal go boahtit skuvlii. Skuvllas mii oahppat giela, oaččut ođđa olbmáid ja oahppat Norgga kultuvrra birra, lohka Tavasoli. Son maid muitala ahte oahpaheaddjit leat hárjánan bargat áittardeddjiin ja dainna lágiin sii sáhttet addit buori ja heivehuvvon oahpahusa.

 

Dovddus modealla
Vuotnasiida-modealla lea dovddus olles Norggas iežas rávesolbmuidoahpahusprográmma dihti. – Vuotnasiidda joatkkaskuvlla lea gaskalađas ja integrerenarena mii lea nu dehálaš sihke daid báikkálaš nuoraide ja olgoriika nuoraide. Skuvla ovddasta máŋggabealatvuođa mii dagaha ahte mii buohkat leat diehtomielalaš dan árvvu ovddas maid máŋggakultuvrralaš servvodat addá, lohka  Maia Gartland Hoff. Jus skuvla heaittihuvvo de leat 80 olbmot geat masset iežaset bargosaji ja olles 200 oahppit geat fertejit gávdnat eará saji gos gaccet oahpu.

 

Gávpogat
Eanaš oahppit gehččet gávpogiidda. Lea nu ahte muhtimat fertejit fárret Hárštaii dahje Romsii. – Mii diehtit ahte sii geat orrot eret ruovttus leat sii geat leat njunnošis luohpahemiidstatistihkas. Dánne lea hui heajos jurdda heaittihit Vuotnasiidda joatkkaskuvla. Nuorat geat leat dušše 15 jagi fertejit fárret gávpogiidda jus gálget vázzit joatkkaskuvlla. Eai leat buot 15-jahkasaššat geat heivejit orrut láigolanjas ja dasa lassin ii soaitte ahte bearrašis lea ráđđi ahte son gálga orrut gávpogis. Sirddáldahtti skuvllat lea juoga masa mii berret geahččat go boahtá dasa unnidit luohpahemiid, lohka Bredal Woll.

 

Ii leat ráđđi
Vuotnasiidda joatkkaskuvla lea skuvla man ii ovttasge leat ráđđi massit. – Skuvla lea integrerenarena mas lea stuora árvu baikkalaš servvodahkii. Vuotnasiida ovddasta stuora máŋggabealatvuohta mii ii leat nu dábálaš otná skuvllain. Sirddáldahtti skuvlastruktuvra lea dehálaš gáhttet doaresbealde báikkiid, ja heaittiheapmi Vuotnasiidda joatkkaskuvllas boahtá dagahit ahte olusat fárrejit, mii maid ii leat positiiva doaresbealde guovlluide. Romssa fylkkasuohkanis leat ovtta dain alimus luobahaslogut Norggas, ja danne lea hui vagahat heaittihit skuvllaid main lea nu stuora mearkkašupmi baikkalaš servvodahkii nu movt Vuotnasiidda joatkkaskuvla. – Diktet Vuotnasiidda joatkkaskuvlla eallit!, loahpaha jođiheaddji Siellaga Bargiidbellodaga Nuoraidsearvvis  Malin Bredahl Woll.

Til nyhetsarkivet
Tips en venn


Hva skjer i Salangen

Søk i våre sider