Salangen-Nyheter

Tips: 957 900 86
tips@salangen-nyheter.com
Fredag 24. november 2017

  • fredag-2°C
  • lørdag-1°C
  • søndag-4°C
Været i Salangen:
stjernadeltutbig
Anna Aglen Løkse, gii lea jođiheaddji Eaktodáhtolašguovddážis Siellagis válddi vuosttá bálká “Dán jagaš Siellat-násti” buot daid eaktodáhtolaččaid ovddas guovddážis.

Eaktodáhtolaččat SAFAs ožžo bálká:

Dán jagaš Siellat-násti!

VUOTNASIIDA: Siellaga-Ođđasiid lohkkit leat nammadan eaktodáhtolaš bargiid Eaktodáhtolašguovddážis Siellagis bálkái “Dán jagaš Siellat-násti 2013”. Bálká juhkkojuvvui njuolggosaddagis lávvordaga.



 

Ledje oktiibuot 38 evttohusa mat bohte Siellaga-Ođđasiidda go “Dán jagaš Siellat-násti 2013” gálgái nammaduvvot. Organisašuvdna gos leat máŋga eaktodáhtolaččat lei evttohus mii evttohuvvui máŋgii, juste fal Eaktodáhtolašguovddážis Siellagis. Min lohkkit háliidedje ahte buot eaktodáhtolaččat geat leat mielde ja oassálastet guovddážis galge oaččut skeaŋkkaža ovdal juovllaid, juovlanásti-lieđi. Ággan manne eaktodáhtolaččat guovddážis oččot násti lea dát; “Eaktodáhtolaččat SAFAs leat mielde váikkuheamis olbmuid árgabeaivvi Siellagis. Jus ii leat dát ahte sii leat das ássiide boarrásiidsiiddas, de sii leat juohkime botkkussádduid daid boarrásiidda geat orrot iežaset ruovttuin. Eaktodáhtolaččat leat álo das máŋga Siellatlaččaide. Dat maid oidno geavaheamis sin lanjain visttis Ryes, buot sin doaluin mat ain duollet dálle lágiduvvot, stuora illui máŋgasiidda.”

 

Juhkkojuvvui njuolggosaddagis
Bálká “Dán jagaš Siellat-násti” juhkkojuvvui lávvordaga sáddagis “Juovladovddut” Siellaga-Ođđasiin. Jođiheaddji Eaktodáhtolašguovddážis Siellagis, Anna Aglen Løkse lei guossi studios dán eahkeda ja doaimmaheaddji Jon Henrik Larsen oinnii vejolašvuođa ja hirpmástuhtti su bálkkáin ja čáppa juovlanásti-liđiin maid Anitas Blomster Vuotnasiidda leat skeŋken. – Hui olu giitu, ja giitu buot eaktodáhtolaččaide. Dál gal hirpmástuvvon. Dát lei hirpmat somá, logai Anna gaŋgal čalmmiin. Juovlanásti boahtá oaččut váldosaji guovddážis lagamus áiggis.  

Til nyhetsarkivet
Tips en venn