Salangen-Nyheter

Tips: 957 900 86
tips@salangen-nyheter.com
Lørdag 21. oktober 2017

  • lrdag1°C
  • sndag1°C
  • mandag1°C
Været i Salangen:
christermottarprisbig
Sátnejođiheaddji Ivar B. Prestbakmo (g.b) ovttas vuoitin Christer Møller mánnodaga maŋŋelgaskabeaivvi. GOVVA: JON HENRIK LARSEN

Christer Møller rámiduvvon:

Dán jagaš Siellatlaš!

VUOTNASIIDA: Christer Møller (25) gii lei lágideaddjin konseartas mii lei doarjjan Kvien-bearrašii ođđajagimánus, rámiduvvui ikte sátnejođiheaddjis Siellagis go nammaduvvui “Dán jagaš Siellatlaš 2013”. – Mun háliidan juohkit dán bálkkašumi buohkain geat ledje mielde lágideamen konsearta, lohka Møller neahttaáviisii.



 

 

Mánnodaga maŋŋelgaskabeaivi juogadeamis Too’s kaféas sátnejođiheaddji geavahii čáppa sánit dán jagaš vuoiti birra. – Son lea, iežas áŋgirvuođain ja duostilvuođain, nagodan oažžut Siellaga oidnosii go lágidii stuora konseartta gos dievva dovddus čuojaheaddjit ja artistat ledje mielde Siellat-hállas. Son lea maid leamaš áŋgir Miljonguoli doaluin, earenoamážit artisttain sihke ovdal ja vuollel doaluid, logai sátnejođiheaddji suohkanstivrii.

 

Ráhkadii nuoraidkonseartta
Christer Møller lei maid mielde go nuoraidráđđi Siellagis lágidedje nuoraidkonseartta ja ožžo dovddus joavkku Karpe Diem boahtit Vuotnasiidii doallat konsearta Siellat-hállas. Dát lei maid juoga maid sátnejođiheaddji namuhii iežas sártnis vuoitái. Dán jagaš Siellatlaš lea rámideapmi mii lea juhkkojuvvon juohke jagi gitta 1986 rájes. Dás lea ulbmil gávdnat olbmo, joavkku, searvvi dahje organisašuvnna geat leat leamaš mielde dagaheamen ahte Siellaga suohkan lea leamaš oidnosis maiddai olggobealde suohkana rájáid. Dán jagaš vuoiti álmmuhuvvui dán jagaš maŋemuš suohkanstivrra čoahkkima oktavuođas Siellagis mánnodaga. Vuoiti oaččui diploma ja rámi.

Til nyhetsarkivet
Tips en venn