Salangen-Nyheter

Tips: 957 900 86
tips@salangen-nyheter.com
Mandag 26. februar 2018

  • mandag-8°C
  • tirsdag-6°C
  • onsdag-2°C
Salangen:
https://www.Autodoc.Co.No
Big
Badjelaš 20 nissonat ja nieiddat ledje mielde nuvttá fálaldagas lávvordaga Siellat-hállas.

Leahttu ja bivastat Siellat-hállas:

Duođaid buohkaide

VUOTNASIIDA: Ikte 16.beaivvi skábmamanus lei nuppes dán čavčča ahte lágiduvvui lášmmohallan Siellat-hállas mii lei áibbas nuvttá. Jurdda lágidemiin lea ahte galgá leahkit somá ja buohkaide, ja dan gal duođaid lei.



 

Lávvordaga ledje badjelaš 20 nissonat ja nieiddat buot agiin čoahkkanan Siellat-hállii lášmmohallat ja suohtastallat. Siellaga-Ođđasat journalista lei maid coggalan lášmmohallanskuovaid ala ja ledje gal veaháš beaivvelottit čoavjjis ovdal go álggiimet.

 

Nuvttá ja buohkaide
Lea Álbmotdearvvašvuohta Siellat ja Katrine Mari Nordgård geat leat lágideaddjit ja lea nuppes ahte dát fálaldat addo suohkana ássiide, áibbas nuvttá. – Mun liikon lášmmohallat ja háliidin lágidit juoga mii lea veaháš stuoribut ja de dárbbašin eambbo saji. Mun de evttohin Álbmotdearvvašvuohta Siellagii ahte mun dagan dán nuvttá jus sii luoikkahit munnje hálla, lohka Katrine Mari mojiin ovdal son sávvá bures boahtin ja bidjá johtui musihka.

 

Dánsun
Mii geat leat boahtán leahkit mielde álggahit liekkadeami gorudis dánsumin ja mii lihkadit ovddas maŋás, ovtta siiddus nuppi siidui, vulos bájas ja birrat birra musihkkii. Lea somá ja bivastat golgá, seammás go bađaid ja gieđaid šlivgut. Eai leat nu váttes lihkastagat ja Katrine lea čeahppi čájehit lihkastagaid go galgat oahppat juoga ođđasa. – Muitet dan ahte buot deháleamos lea ahte don lihkadat ja ii daga maide jus ii šatta áibbas riekta, mojohallá Katrine go čilge movt galgat lihkadit. Maŋŋel diimmu dánsumin lea áigi unna boddui gos Álbmotdearvvašvuohta Siellat guossohit midjiide šattuid ja ruotnasiid.

 

Nannet dehkiid
Go boddu lea nohkkan de lea áigi dehkiid nannet ja dán mii dahkat iešguđetlágan hárjehusain. Eat mii geavat earágo min iežamet lossodaga ja Siellaga-Ođđasiid journalistta mielas dat lea eambbo go doarvái! Leat máŋga hárjehusat ja Katrine lea juohkan daid vai lea okta lávlla juohke deahkkái. Mii lášmmohallat sihke čoavji, báđa, gieđaid, olggiid, julgiid ja čielggi. Go dehkiid lášmmohalat de šattat gievrrabut, don nagodat buorebut váldit vuosttá beaivválaš hástalusaid ja don maid buoridat iežas dearvvašvuođa ollislaččat.

 

Styrke.jpg

Katrine Mari Nordgård čájeha ja čilge movt mii dehkiid nannet lášmmohallamin.  

 

Dearvvašlaš fálaldat
Go humadan nissoniin geat leat leamaš mielde lášmmohallamis dán lávvordaga de lea sis čielga oaivil; dán sii háliidit eambbo! Sin mielas lea somá ja ii leat nu hirbmat duođalaš dahje nu váttis ahte ferte leahkit máilmmimeašttir jus háliidat leahkit mielde. Maŋŋel golbma diimmu lášmmohallamin lea journalista váiban, muhto maiddai hui duđavaš ahte lea geavahan golbma diimmu dán lávvordagas leahkit mielde dearvvašlaš fálaldagas mii lea nuvttá ja hui somá. Dál sáhttá bures herskostádat lávvordat eahkeda buriin oamedovdduin.

Til nyhetsarkivet
Tips en venn


Hva skjer i Salangen

Søk i våre sider