Benjamin-bálká juhkkojuvvo juohke jagi ovtta skuvlii mii bargá aktiivvalažžat rasisma ja vealaheami ovddas. Bálká lea 100.000 ruvnno, diploma ja ráddebácci Benjamin Hermansen muitomearkas. Vuotnasiidda joatkkaskuvla lea okta viđa skuvllain geat leat evttohuvvon oažžut Benjamin-bálkkašumi 2013 ovddas. Jus sis lea nu lihkku ahte sii dán vuitet de boahtá máhttoministtar skuvlii juohkit bálká 24.beaivvi ođđajagimanus.


“Bija gieđa vulos rasisma vuosttá"
Mannan vahkkus ledje oahppit joatkkaskuvlas biddján oktii ákšuvnna rasisma vuosttá ja man sii ledje nammadan “Bija gieđa vulos rasisma vuosttá”. Dasa sii ledje rahkadan vilges gova masa buohkat geat háliidedje sáhtte biddját iežaset giehtagova dasa vuoidasin.

setthåndanedbig2.jpg

Muhtin oahppit geat leat biddján iežaset gieđa vulos rasisma vuosttá. GOVVA: MARITA STORVOLL
 

Rámis
Lea čielggas ahte skuvla lea hui rámis bargguin mii sis lea rasisma vuosttá. – Mii leat nu rámis girjáivuođa ovddas mii mis lea min skuvllas. Dáppe hubmojit badjel 30 iešguđet lágan gielat, ja leat badjel 80 geat leat mielde ollesolbmooahpahusas. Dainna ákšuvnnain mii čájehit ahte Vuotnasiidda joatkkaskuvla lea skuvla mii lea rámis sin girjáivuođa ovddas ja ahte mii oahpat olu nubbi nuppis vaikko gos máilmmis mii leat eret, muitala áŋgiris Maia Gartland Hoff neahttaáviisii.