Salangen-Nyheter

Tips: 957 900 86
tips@salangen-nyheter.com
Mandag 22. januar 2018

  • mandag-15°C
  • tirsdag-15°C
  • onsdag-12°C
Været i Salangen:
John Kenneth
John-Kenneth Overgård muitala ahte sii veardidit nannet bálvagotti Astafjord Vekst mekánalaš ossodagas. VUORKAGOVVA: JON HENRIK LARSEN

Loaktin, ahtanuššan ja ovdáneapmi:

Nanne bálvágotti

VUOTNASIIDA: Astafjord Vekst AS ja sin mekánalaš ossodat Vuotnasiiddas lea čuvges boahtteáigi. Fitnodagas leat olu barggut ja dál lea hálddahus veardideamen nannet bálvágotti. – Mii illudit ovdáneami ovddas, lohkka beaivválaš jođiheaddji John Kenneth Overgård neahttaáviisii.



 

 

Astafjord Vekst AS lea ahtanuššanfitnodat mii eaiggáduvvo suohkanis. Fitnodat gokčá suohkaniid Loabága, Siellaga ja Rivttága. Fitnodaga oainnáhus lea “Loaktin, ahtanuššan ja ovdáneapmi”. – Mii geahččalit čuovvut dán oainnáhusa ja bargat dan čađa dan ahte heivehit barggu bargiide. Dat sosiálafágalaš bargu lea guovddážis mis, lohka Overgård. Barggahus buktá sosiála rievdademiid ja čoavdá váttisvuođaid gaskkal olbmuid  vai buoridit sin eallima ja dáinna bargá dát fitnodat.

 

Heivehuvvon bargu
Ahtanuššanfitnodat barggaha bargiid geat oanehis dahje guhkkit áiggi dárbbašit barggu mii lea heivehuvvon. – Min fitnodat lea dássálaga eará fitnodagain. Min bargiin leat gáržžideamit muhtin surggiin, muhto sis leat maiddai sierra vuoimmit, muitala Overgård viidásit. Mekánalaš ossodagas Vuotnasiiddas leat otne 1 bargi ja 10 oassálastit. – Dál lea dárbu nannet bálvágotti juoga mii lea hui positiiva fitnodaga ovddas. Mekánalaš ossodat barget veaháš iešguđetlágan bargguid. – Mii heivehit oasti dárbbuide, loahpaha Overgård

Til nyhetsarkivet
Tips en venn