Salangen-Nyheter

Tips: 957 900 86
tips@salangen-nyheter.com
Mandag 23. oktober 2017

  • mandag0°C
  • tirsdag0°C
  • onsdag2°C
Været i Salangen:
pengertilspraakbig
Loabátlaš ja NSR-lahttu, Nanna Thomassen lea hui movttet go giellaguovddaš Loabágis lea okta bušeahttavuoitin boahtte jagi. GOVVA: NSR

Giellaguovddažat bušeahttavuoitit:

Ožžot giellaruđaid

DEANNJA/KÁRÁŠJOHKKA: Loabátlaš Nanna Thomassen (govas) lea hui duhtavaš dainna ahte bušeahttavuoitit boahtte jagis leat giellaguovddažat Loabágis ja Evenášis.



 

Bušeahttavuoitit boahtte jagi leat duođaid giellaguovddažat. Romssa fylkkas oažžuba Várdobáiki Sámi Guovddaš Evenášis ja Ástávuona giellagoahti Loabágis bistevaš  doarjaga jáhkalaččat 852.000 ruvnno 2014 rájes. Nanna Thomassen Loabága suohkanis, ovddasta Norgga Sámiid Riikasearvvi ja son lea hui duđavaš dainna. – Ovdal válgga mii logaimet ahte háliidit vuoruhit bargguid mat leat čatnon sámi giellabargui. Dánne lea hui somá ahte beassat čájehit ahte mii doallat iežamet lohpádusaid. Maŋemuš bealle jagis mii leat nagodan lasihit juolludemiid badjel 3 miljon ruvnnuin, lohka Thomassen duhtavaččat.

 

Gelddolašvuohta
Go Sámediggi dohkkehedje iežaset bušeahta 2014 ovddas lei olu gelddolašvuohta čatnon bohtosii go NSR gii jođiha Sámedikki stivre unnitloguin, 13 39 áirasiin. Bušeahttaevttohus mii ovdanbuktojuvvui lei vuosttaš  maŋŋel go NSR ja Sámedikki presideanta Aili Keskitalo ožžo stivrejumi. – Bušeahttameannudeapmi bukte ovdan govda bušeahttasoahpamuša mainna leat hui duđavaččat. Giellaprofiila maid Sámedikki ráđđi evttohii lea ain bistevaš ja sámi gielat loktejuvvojit dál bajás. Dás lea Ann-Mari Thomassen Skánin eret, gii lea bušeahttaráđđeaddi bargan hirpmat buori barggu, rápmo Nanna Thomassen.

Til nyhetsarkivet
Tips en venn