Salangen-Nyheter

Tips: 957 900 86
tips@salangen-nyheter.com
Fredag 24. november 2017

  • fredag-2°C
  • lørdag-1°C
  • søndag-4°C
Været i Salangen:
kommuneskiltbig
Dá lea ođđa suohkangalba Loabága suohkanii, dál maiddai sámegilli. GOVVA: ÅSE JOHNSEN LAVVA

Suohkannamma guovtti gillii:

Sámegielat galba

DEANNJA: Loabága suohkanis lea suohkannamma guovtti gillii, sámegillii ja dárogillii. Dál leat viimmat suohkangalba bidjon bájas, sámegillii.



 

Siellaga-Ođđasat leat máŋgii čállán suohkangalba birra mas ii leat sámegielnamma suohkanrájá bokte. Muhto dál lea goit okta dain galbbain boahtán saddjái suohkanrájá bokte gaskkal Loabága ja Rivttága. Lea Åse Johnsen Lavva gii lea váldán gova ođđa suohkangalbas. – Jua dát galba lea suohkanrájás gaskkal Loabága ja Rivttága, lulit bealde Myrlandshaugen guvlui, lohka Lavva  neahttaáviisii.

 

Politihkalaš meannudeapmi
7.beaivvi suoidnemánus dán jagi evttohuvvui Sámepolitihkalaš lávdegottis ahte Loabága suohkanis galget leahkit guokte nama, ja ášši sáddejuvvui viidásit suohkanstivrii. Čájehuvvui ahte ii lean nu álki dán mearrádusa váldit. – Mii fertiimet jearrat ráđi ja čađahit gulaskuddančoahkkimiid ovdal go mearrádus váldui. Dan ahte gávdnat nama lea váttis, lohka sátnejođiheaddji Loabága suohkanis neahttaáviisii.  

 

Guhkes áigi
Loabát geavahuvvo namman olles suohkanii nu movt lea geográfalaččat juhkkojuvvon ja mii lea Loabága suohkan. – Mun lean nu ilus ahte mii dál leat gergosat bidjat bajás galbbaid. Dát lea juoga mii livččii galgan dahkkot áigá jo ja lea váldán beare guhkes áiggi, loahpaha Bratsberg.

Til nyhetsarkivet
Tips en venn