Leat moadde fokusa mearrasámi semináras nu go mearrasámiid ássanbáikkit Romssas, man guhkas maŋás sáhttá guorrat gávdnat daid, ja lea go vejolaš sagastallat mearrasámiid giela birra?

 

Guokte beaivvi
Leat iešguđetlágan logaldallit geat oassálastet semináras ja geat galget logaldallat. Dat leat earet eará Jonny Nutti Ruŋgu historjásearvvis, Dikka Storm, Gry Fors, Lars Ivar Hansen ja Odd Mathis Hætta. Seminára álgá bearjadaga 1.beaivve skábmamánus ja loahpahuvvo beaivvi maŋŋil, lávvordaga 2.beaivvi skábmamánus.

 

Sierralágan
Lars Ivar Hansen áigu logaldallat Ástávuona birra sámi perspektiivas. Odd Mathis Hættas lea iežas dutkan maid lea bargan Finnmárkkus ja daid mearraguovlluin. Gry Fors oassálastá iežas dutkanprošeavttain mearrasámiid biktasiid birra ja Dikka Storm ges logaldallá mearrasámi dutkamis Iinnas (Hinnøy). Jonny Nutti áigu muitalit muhtin gielalaš dovdomearkkaid mearrasámi suopmanis.

 

Duhtavačča
Romssa historjásearvi leat hui duhtavačča ahte sii leat ožžon mielde dutkiid main lea buorre máhttu sámi historjás ja gielas. – Boahtá maiddai leahkit earenoamáš čájáhus mearrasámi biktasiin Ruŋggus. Romssa historjásearvi lea ilus ahte sii leat ožžon dán ovttasbarggu Ruŋggu historjáservviin. Searvi leat leamaš mielde ovddidit sámi kulturipmárdusa ja historjá Romssas. Ii lean duššiiddihti ahte Gonagasbárra moatti jagi das ovdal leigga guossis Ruŋgus, sii čállet preassadieđáhusas neahttaáviisii.

 

Guossoheapmi
Seminára álgá nu movt ovdal namuhuvvon bearjadaga 1.beaivvi skábmamánus beaivet ja bistá gaskabeaivái lávvordaga. – Ruŋgu historjásearvi dat leat geat guossohit sin geat leat mielde semináras. Sii guossohit báikkálaš sámi biepmuid, maid maiddai Gonagasbárra guossuhuvvuiga go soai leaigga Ruŋggus, čállet sii viidásit preassadieđus. Sii maid geahččalit oažžut kultuvrralaš ovdanbuktojumi.

 

Dieđihit
Lea ain vejolaš dieđihit iežat mielde seminárii ja dieđiheapmi giddana ihttin 30.beaivvi golggotmánus. Ii leat gaibadus ahte galggat leahkit miellahttun muhtin historjásearvvis dahje jus dieđihat dušše ovtta olbmo mielde. Hatti geažil lea hálbbimus jus dieđihit ovtta joavku, sihke idjadeami ja biebmu geažil.  Dás gávnnat eambbo dieđuid dieđiheami birra: www.tromshistorielag.no.