Buot suohkanat galget movttiidahtti bargiid leahkit barggus nu guhka go vejolaš. Dát sáhttá leahkit bargoáiggiid, heivehuvvon bargu, friddja bálkkáin ja nu ain viidáset. Suohkanstivra Siellagis lea válljen váldit vuhtii dan váttis ekonomalaš dilis mas sii leat ja danne leat sii rahkadan ođđa evttohusa. Dát ovdanbuktui mánnodaga suohkanstivra čoahkkimis. Ulbmil lea váldit varas boarrásiid ja doalahit sin barggus. Boarrásiin lea olu máhttu ja dainna lágiin leat dávjá dehálaš oassin bargosajiin.  
 

Olu evttohusat
Lea evttohuvvon ahte boarrásiidlasáhus bálkái 10.000 ruvnnuin olles virgái galgá bissut. Dát addojuvvo dan mánu rájes go deavdá 62 jagi. Evttohusas lea maid evttohuvvon guokte liige friddjabeaivvit boarrásiidda geat leat badjel 62 jagi ja golbma beaivvi sidjiide geat leat badjel 64. Hálddahushoavda Elisabeth Nutti oaivvilda ahte evttohus lea siskkobealde goluid mat leat dohkálaš. Suohkanstivra háliidedje rievdadit evttohusa. Bargiidbellodaga áirasat oaivvildedje ahte boarrásat ieža galget sáhttit válljet jus sii áigot dán lassi bálká dahje friddjabeivviid. Dát galgá veardiduvvot sátnejođiheaddjis Ivar B. Prestbakmoas.