Girji, maid čállit Gunnar Bjørklund ja Alvin Jensvold (govvideaddji) leaba rahkadan, lea áddjánan guokte jagi gárvet. – Lea olu bargu dan ahte sihkkarastit dieđuid, muitala Alvin Jensvold. Soai leaba geavahan iešguđet lágan árkiivvaid, sihkkarastindihti ahte dieđuid maid leaba čohkken leat riekta ja ovttaoaivilis duohtavuođain. Soai leaba geahččat čađa buot, sihke rehketdoaluid ja bargiidlisttuid, ja leaba ožžon buori veahki dása Per Dahlbergas. Lassin sutnje leat olusat geat leat leamašan veahkkin oaččut girji gárvvisin, iešguđet láhkai.

lanseringbig1.jpg

Govva girjis. Stuora fiinna čilgejeaddji govat mat dagahit ahte girjji šaddá álki lohkkat. GOVVA: WENCHE KANSTAD

Govat
Girji lea hervejuvvon olu čáppa govain. Muhtimat čáhppes/vilges govat ja earát ges ivdnegovat. Govain lea dat oktasaš ahte leat stuorrát, devdet ovtta dahje guokte olles siiddu. Dát dahká ahte girjji šaddá álkibut lohkat go govat juhket kápihttaliid. – Mii savvát ahte galgá maid cahkiidit nuoraid, muitala Alvin. Vai dát galggai ollašuhttot sii válljeje geavahit illustrašuvnnaid, vai girjji šaddá álki lohkat. Dáinna leat bures lihkostuvvan, duođaid. – Lea olu politihkka girjis. Sáhttit lohkat sihke fágasearvvi, álbmotlohkama ja bargoheaitta birra, ja vel olu eará, muitala Gunnar mojiin.

lanseringbig2.jpg

Earenoamáš čáppa illustrašuvnnat maid Alvin Jensvold lea rahkadan. GOVVA: WENCHE KANSTAD

Lihkuhisvuođat
Nu movt eanaš bargosajiin de ledje maiddai Salangsverkes lihkuhisvuođat. Girjis sáhtát lohkat muhtin daid lihkuhisvuođaid birra. Earet eará ovtta buollima birra mii álggi 4.beaivve ođđajagimanus eahkes brikett- ruvkis. Dát manai bures, muhto lei okta bargi gii gahčai ja nordadii oaivvi. 2.beaivve cuoŋomanus lei fas okta lihkuhisvuohta gos okta bargi oaččui fasttes buollinhávit ámadadjui ja gieđaide. “Su biktasat buollájedje, muhto son nagodii olggos báhtarit ja fieradit muohttagis nu ahte buollin jáddaduvvui” sáhtát lohkat girjis.

 

Ođđaáigásaš
- Bohtet togat ruvkii, maid olbmot eai lean ovdal oaidnán, muitaluvvo viidásit. – Toga bođi lievlafatnasiin maid ii ge lean dábálaš oaidnit olbmuide Siellagis. Geađgecuvkenmášiidna maid ostojuvvui 1911. Dál sis lei sihke lievlamašiidna ja lievlaskuffa. Olles revolušuvdna dušše dat.

lanseringbig3.jpg

Fiinna govva bargiin dološ áiggis. GOVVA: WENCHE KANSTAD

Listtut
Duogábealde girjjis gávdno listtu mas gáldut maid sii leat geavahan girječállimis. Dasa lassin lea oalle earenoamáš listtu gos 696 bargi leat nammaduvvon ja geat barge Langnesets. Dát girji muitala historjá birra min guovllus ja lea duođaid veara oastit sisa boahtte áigái. Das gávdnojit govat, čilgehusat ja dáhpáhusat mat leat čállojuvvon measta dego máidnasiin. Buorre ja fiinna evttohus juovlaskeaŋkan buot ruovttuide Ástávuona guovllus.