Maŋŋel go girji "Statsråd vant spekeskinke" maid Atle Antonsen ja Johan Golden leaba čállán almmuhuvvui de lea leamaš olu hupmu Siellaga-Ođđasiid ja sin smávvaođđasit birra eará mediain Norggas. Girjjis leat olles vihtta smávvaođđasat vižžon Siellaga-Ođđasis, mat leat čállon viđa iešguđetlágan journalistan maŋemuš jagis. Redakšuvdna  "God Morgen Norge" prográmmas leat dán mearkkašan ja dan dihte sii háliidit dán čalmmustahttit mánnodaga iđitsáddagis.

 

Olu namuhuvvon
Camilla Finvik lea journalista Siellaga-Ođđasin. Son lea olu namuhuvvon eará neahttaáviissain ovtta iežas áššin, dan mas gávpevovdna gávdnui olggobealde Rema 1000 Vuotnasiiddas. Son lea maid leamaš mielde telefovnna bokte TV2 prográmmas  mas lea namma "Ettermiddagen".

 

Dovddus studios
Jon Henrik lea guktii ovdal leamaš mielde "God Morgen Norge" prográmmas. Vuosttaš háve lei iežas buori olbmáin ja bargoskihpáriin Are Apeland, ja nuppes lei iežas etniin Johanne Driveklepp dan oktavuođas ahte son galggai leahkit váldosárdnideaddji UNICEF máilmmikonferánssas Oslos. – Mu mielas lea hui somá ahte TV2 čuvvot min, ja ahte sii háliidit ahte Camilla ja mun galge boahtit vulos Osloi ja muitalit min smávvaođđasit birra maid mii ráhkadit dáppe Siellaga-Ođđasin. Dan ahte gávdnat smávvaođđasit  Siellagis ja Loabágis lea juoga maid mun lean dáhkkán dan rájes go álggahin neahttaáviissa 13 jagi áigi, go vuojášin márkanin mopedain. Leat olusat geat gohččodit daid smávvaođđasiid gurkáođđasiin, muhto mu mielas šaddá dat veaháš boastut. Ii makkárge ášši leat beare stuoris dahje unni midjiide Siellaga-Ođđasis. Mun sávan ahte olusat ožžot mielde sáddaga mánnodaga iđida, mii álgá dii. 09.00 ja bistá gitta dii. 09.30 rádjai, loahpaha Jon Henrik Larsen.