Dán vahkkoloahpa de lea goit geassi duođaid badjel go sotnabeaivvi galgá diibmu sirdojuvvot maŋos ovttain diimmuin. Sivvan manne mii galgat sirdit diimmu ovddas lea vai mis galgá leahkit vejolaš navddašit čuvges geassemánuid ovtta liige diimmuin. Ovddasguvlui dál lea nu ahte šaddá árabut seavdnjat eahkes ja iđit álgá čuovgadeappo.

 

Muitoveahkki
Ii leat álo nu álki muitit goappá guvlui galgá sirdit diimmu, ovddas vai maŋás.  Okta vuohki muitit dán lea jurddašit ahte sirddát diimmu geasi guvlui. Giđđat lea geassi boahtime ja danne galggat diimmu sirdit geasi guvlui, ovddasguvlui. Čakčat lea ges geassi máhcan ja danne galgat sirdit maŋás. Eará vuohki lea ges jurdilit movt dagat geassedávvirin; váldde olggos giđđat ja bija fas sisa čakčat.